Slippurinn Akureyri
Slippurinn Akureyri er leiðandi þjónustufyrirtæki fyrir sjávarútveg
og iðnað á Íslandi með höfuðstöðvar á Akureyri. Fyrirtækið byggir á áratuga reynslu, öflugri þekkingu og sterkum tengslum við viðskiptavini og býður fjölbreyttar lausnir á sviði skipaþjónustu, fiskvinnslu, fiskeldis og iðnaðar. Markmið okkar er að veita áreiðanlega þjónustu og lausnir sem stuðla að aukinni hagkvæmni, rekstraröryggi og verðmætasköpun.
Meginstarfsemi fyrirtækisins er á Akureyri, en jafnframt er rekin starfsstöð í Hafnarfirði fyrir DNG Vinnslubúnað. Undir vörumerkinu DNG þróar, framleiðir og þjónustar Slippurinn fiskvinnslubúnað og rafmagnsfæravindur fyrir sjávarútveg. DNG hefur skapað sér sterka stöðu á alþjóðlegum mörkuðum og er búnaður fyrirtækisins í notkun um borð í fiskiskipum og í fiskvinnslum víða um heim.
Slippurinn Akureyri skiptist í fjögur lykilsvið sem tryggja fjölbreytta þjónustu:
- Skipaþjónustusvið – Sérhæfir sig í viðhaldi og upptekt skipa ásamt stálsmíði, vélaviðgerðum, trésmíði, sand-/vatnsblæstri og málningarvinnu. Sviðið býður heildarlausnir fyrir sjávarútvegsfyrirtæki og sér um hönnun, endurnýjun og viðhald skipa.
- Fiskeldis- og iðnaðarsvið – Beinist að lausnum fyrir fiskeldisgeirann, einkum landeldi, ásamt víðtækri þjónustu og vöruframboði til iðnaðarfyrirtækja. Sviðið býr yfir mikilli sérfræðiþekkingu og veitir ráðgjöf og sérsniðnar lausnir.
- DNG Færavindusvið – Framleiðir háþróaðar rafmagnsvindur sem auka fjölbreytni í vöruframboði Slippsins. DNG er brautryðjandi í þessum geira og þjónar sjávarútveginum á alþjóðlegum vettvangi.
- DNG Vinnslulausnir – Sérhæfir sig í hönnun og framleiðslu fiskvinnslubúnaðar undir merkinu DNG. Sviðið veitir einnig fyrsta flokks viðhaldsþjónustu og býður heildarlausnir fyrir fiskvinnslur, jafnt á sjó sem landi.
Við byggjum á traustum grunni til framtíðar
fyrir sjávarútveg og iðnað.
