Slippurinn DNG tekur þátt í IceFish 2026, Íslensku sjávarútvegssýningunni, sem fer fram í Smáranum í Kópavogi dagana 22.–24. september. Við tökum á móti gestum á bás C42 ásamt systurfélagi okkar Optimar og samstarfsfyrirtækinu Brunvoll frá Noregi. Á sýningunni kynnum við nýju DNG R1 tölvustýrðu færavindurnar og gefum gestum tækifæri til að kynnast virkni þeirra og notkun við færaveiðar. Okkar fólk verður á staðnum til að fara yfir búnaðinn, svara spurningum og ræða hvernig vindurnar geta nýst við ólíkar aðstæður til veiða. Við kynnum einnig DNG fiskvinnslubúnað og ræðum lausnir fyrir vinnslu um borð í skipum og í landi. Þar verður áhersla á þarfir hverrar vinnslu og hvernig velja má búnað sem hentar hráefni, vinnslufyrirkomulagi og rekstri. Þá kynnum við fjölbreytta skipaþjónustu Slippsins , sem hefur lengi verið í fararbroddi á sínu starfssvæði. Við tökum vel á móti gestum og ræðum allt frá búnaði til veiða og vinnslu yfir í viðhald, viðgerðir og endurbætur skipa. Sérfræðingar Optimar verða á staðnum og kynna lausnir fyrir fiskeldi, vinnslu um borð í skipum og fiskvinnslu í landi. Gestum gefst tækifæri til að ræða þarfir sinnar starfsemi, fá ráðgjöf og skoða hvernig búnaður og þjónusta Optimar geta nýst í þeirra rekstri. Brunvoll kynnir skrúfur og framdrifskerfi fyrir sjávarútveg og fiskeldi. Þetta norska fjölskyldufyrirtæki var stofnað árið 1912 og býr yfir víðtækri reynslu á sínu sviði. Slippurinn Akureyri er með einkaumboð á Íslandi fyrir vörur Brunvoll og veitir þjónustuaðstoð vegna þeirra. IceFish er nú haldin í 15. sinn og byggir á vel heppnaðri sýningu árið 2024. Auk sýningarinnar verða á dagskrá ráðstefnur um málefni líðandi stundar, viðskiptafundir, nýsköpun og kynningar á nýjum vörum. Þá verða Íslensku sjávarútvegs- og fiskeldisverðlaunin afhent fyrir framúrskarandi árangur í greininni. Við hlökkum til að hitta ykkur á bás C42 í Smáranum dagana 22.–24. september!
Mikill áhugi á lausnum Slippsins DNG
Samningur við kanadíska útgerð
Lausnir fyrir skip og vinnslu
Sverrir Gunnarsson, trillusjómaður í Ólafsfirði, segir nýju R1 færavindurnar frá DNG hafa reynst vel og einfaldað vinnuna um borð á Ásdísi ÓF.
Eina klassaða flotkví landsins
Gamla færavindan sem greiðsla upp í nýja!
Farþegaskip til sölu – IMO 9015175 (áður Arctic Circle) Slippurinn Akureyri kynnir nú til sölu farþegaskip sem hefur gengið í gegnum gagngerar endurbætur og hentar einstaklega vel til farþegaflutninga og hvalaskoðunar. • 150 farþegar (stækkanlegt í 200) • Hámarkshraði 26–28 hnútar • Fullbúið og tilbúið til reksturs strax • Afhending á Akureyri
Slippurinn Akureyri sendir starfsfólki, viðskiptavinum og landsmönnum öllum bestu óskir um gleðileg jól og heillaríkt komandi ár, með þökkum fyrir ánægjulega samvinnu á liðnu ári.
Síðastliðinn föstudag, 5. desember, bauð DNG færavindur smábátaeigendum á Norðurlandi í heimsókn í húsakynni fyrirtækisins á Akureyri. Viðburðurinn var skipulagður í samstarfi við Klett, félag smábátaeigenda á Norðurlandi eystra, og tókst afar vel. Aðsókn var mjög góð og var gestum fagnað með kynningu á framleiðslu, tækninýjungum og framtíðarþróun færavinda. Heimsóknargestir komu víða að af Norðurlandi og einnig frá systurfélögum bæði austan og vestan við Eyjafjörð. Sjómenn, bátseigendur og áhugafólk um tækni fengu tækifæri til að fylgjast með hvernig vindurnar eru smíðaðar, ræða við starfsfólk og skoða það sem er nýjast á markaðnum. Sérstök áhersla var lögð á DNG R1 vinduna sem hefur notið mikillar velgengni árið 2025. Gestir fengu að prófa vinduna, stilla hana og spyrja spurninga um virkni og eiginleika. R1 hefur slegið í gegn fyrir einstaklega gott fisknæmi, sem hefur gert hana að vinsælu vali meðal smábátaeigenda. Viðburðurinn reyndist afar árangursríkur og stefnt er að því að endurtaka hann. Þá vonumst við einnig til að geta staðið fyrir sambærilegum viðburðum í nánustu framtíð fyrir smábátafélög víðar um landið. Daði Tryggvason, verkefnastjóri DNG færavinda, var mjög ánægður með viðtökurnar: „Það er okkur alltaf ánægjulegt að fá sjómenn og bátseigendur til okkar. Umræður dagsins voru frábærar og við fengum bæði gagnlegar ábendingar og mikla hvatningu. Þetta samstarf er lykilatriði í áframhaldandi þróun vörunnar.“ Bjarni Reykjalín Magnússon, formaður Kletts, þakkaði fyrir góðar móttökur og lagði áherslu á mikilvægi þess að félagið geti boðið félagsmönnum sínum upp á svona fræðslu og kynningar. Hann sagði slíka viðburði efla tengsl milli framleiðenda og notenda og styðja við öfluga smábátaútgerð á svæðinu. Heimsóknin endaði á léttum veitingum og lifandi umræðum um vertíðina fram undan og framtíðarþróun í færabúnaði. Ljóst er að áhugi er mikill – og DNG færavindur heldur áfram að leiða veginn í nýsköpun fyrir íslenska sjómenn.
