Ný og glæsileg gistiaðstaða hefur verið hönnuð sérstaklega fyrir viðskiptavini og starfsmenn sem fylgja skipum í slipp og þurfa þægilega dvöl meðan á verkefnum stendur.



Sex rúmgóð herbergi, hvert um 22 m², með sérbaðherbergi, skrifborði og hraðvirku Wi-Fi — fullkomin aðstaða fyrir þægilega, hljóðláta og afslappaða dvöl.

Framúrskarandi gistiaðstaða

Inn í gistiaðstöðunni er vel búið fundarherbergi sem hentar fullkomlega fyrir verkefnafundi, skipulagsfundi eða fjarfundi með samstarfsaðilum.



Rýmið er hannað með vinnu og samskipti í huga – rólegt, bjart og þægilegt umhverfi þar sem auðvelt er að vinna ótruflað.

Fundarherbergi

Í hjarta Slippsins er vandað og rúmgott mötuneyti sem býður upp á fjölbreyttan hádegisverð alla virka daga. Þar skapast heimilislegt og notalegt andrúmsloft þar sem starfsfólk, viðskiptavinir og samstarfsaðilar hittast yfir góðri máltíð, ræða málin og hlaða orku fyrir næstu verkefni.



Í gistiaðstöðunni er einnig aðgangur að eldhúsi með aðstöðu til að hita tilbúna rétti og njóta léttari máltíða í rólegu umhverfi.

Mötuneyti

Slippurinn Akureyri rekur vel búinn verkfæra- og varahlutalager með fjölbreyttu úrvali fyrir skipaþjónustu, vélaverkstæði og stálvinnu. Aðstaðan tryggir hraða og skilvirka þjónustu þar sem allt er innan seilingar – engin þörf á að sækja búnað utan svæðis.

Lagerinn eykur sveigjanleika allra sem starfa á svæðinu og veitir gestum í gistiaðstöðunni möguleika á að leysa verkefni jafnvel utan hefðbundins vinnutíma.

Verkfæra- og varahlutalager