Slippurinn Akureyri er leiðandi í skipaþjónustu á Íslandi með höfuðstöðvar á Akureyri og starfsemi í Hafnarfirði. Fyrirtækið rekur upptökumannvirki og viðgerðarstöð fyrir skip og sérhæfir sig í málmsmíði, vélsmíði, vélaviðgerðum, rennismíði og almennum skipaviðgerðum. Þess utan rekur það öflugar deildir fyrir trésmíði, sand-/vatnsblástur og málningarvinnu. Einnig býður fyrirtækið upp á trausta varahluta- og verkfæraverslun sem nýtur mikils álits í greininni.
Skipaþjónusta Slippsins annast viðhald, viðgerðir og endurbætur fyrir sjávarútvegsfyrirtæki. Þjónustan nær yfir hönnun, endurnýjun og viðhald á skipum og búnaði þeirra. Fyrirtækið framleiðir einnig fiskvinnslubúnað undir vörumerkinu DNG by Slippurinn Akureyri, sem er leiðandi í framleiðslu háþróaðra rafmagnsvinda og annarra vinnslulausna fyrir sjávarútveg, bæði á sjó og landi.
Slippurinn Akureyri skiptist í fjögur lykilsvið sem tryggja fjölbreytta þjónustu:
- Skipaþjónustusvið – Sérhæfir sig í viðhaldi og upptekt skipa ásamt stálsmíði, vélaviðgerðum, trésmíði, sand-/vatnsblæstri og málningarvinnu. Sviðið býður heildarlausnir fyrir sjávarútvegsfyrirtæki og sér um hönnun, endurnýjun og viðhald skipa.
- Fiskeldis- og iðnaðarsvið – Beinist að lausnum fyrir fiskeldisgeirann, einkum landeldi, ásamt víðtækri þjónustu og vöruframboði til iðnaðarfyrirtækja. Sviðið býr yfir mikilli sérfræðiþekkingu og veitir ráðgjöf og sérsniðnar lausnir.
- DNG Færavindusvið – Framleiðir háþróaðar rafmagnsvindur sem auka fjölbreytni í vöruframboði Slippsins. DNG er brautryðjandi í þessum geira og þjónar sjávarútveginum á alþjóðlegum vettvangi.
- DNG Vinnslulausnir – Sérhæfir sig í hönnun og framleiðslu fiskvinnslubúnaðar undir merkinu DNG. Sviðið veitir einnig fyrsta flokks viðhaldsþjónustu og býður heildarlausnir fyrir fiskvinnslur, jafnt á sjó sem landi.
Við byggjum á traustum grunni til framtíðar fyrir sjávarútveg og iðnað.
Mannauður
Starfsmenn Slippsins Akureyri eru um 160 talsins. Í þeim hópi eru m.a. rennismiðir, stálsmiðir, trésmiðir, tækjamenn, verkamenn, vélvirkjar, rafvirkjar, rafeindavirkjar, forritarar, hönnuðir, verkfræðingar osfrv. Helstu þættir í þjónustu og vöruframboði Slippsins Akureyri eru slipptökur, þvottur og málun, vélaupptökur, skrúfuviðgerðir, stálviðgerðir, innréttingasmíði og ryðfrí smíði á fiskvinnslubúnaði.
Allt á einum stað
Ef sérfræðingarnir finnast ekki innan okkar vébanda köllum við til einhver af okkur frábæru samstarfsfyrirtækjum, því við leggjum mikið upp úr slagorðinu gamla og góða, sem einhver smíðaði um árið: ”Allt á einum stað!” Viðskiptavinurinn á ekki að þurfa að leita lengra en til okkar því við bjóðum heildarlausn á þeim verkefnum sem við blasa hverju sinni.
