Súlur stálgrindarhús ehf. vinnur að uppsetningu á nýrri vélaskemmu í Hlíðarfjalli – Vaxandi eftirspurn eftir stálgrindarhúsum á Íslandi
2. október 2024
Fyrirtækið Súlur Stálgrindarhús ehf. er dótturfyrirtæki Slippsins Akureyri sem stofnað var fyrir ári síðan. Undanfari stofnunar fyrirtækisins var viðamikið verkefni sem Slippurinn hafði með höndum við að reisa nýbyggingu Húsasmiðjunnar á Selfossi og var í framhaldinu tekin ákvörðun um að stofna fyrirtæki um verkefni í byggingariðnaði með sérstakri áherslu á stálgrindarhús, enda mikil þekking á stáli innan samstæðunnar. Súlur Stálgrindarhús ehf. býður tilbúin innflutt stálgrindarhús á íslenskum markaði og er þessa dagana að reisa 800 fermetra vélaskemmu á skíðasvæðinu í Hlíðarfjalli. Kristján H. Kristjánsson, framkvæmdastjóri fyrirtækisins, segir talsverða eftirspurn og næstu verkefni þegar komin í hönnunar- og undirbúningsferli.
18 vikna afgreiðslutími frá Kína
Stálgrindarhúsin koma hingað til lands tilbúin til uppsetningar, bæði stálvirkið sjálft, yleiningar, gluggar og hurðir. Húsin eru framleidd í Kína og eru CE vottuð og segir Kristján að reikna megi með um 18 vikna tíma frá því allar arkitektateikningar liggja fyrir þar til húsin eru komin á verkstað á Íslandi, tilbúin til uppsetningar.
„Til að enginn vafi leiki á gæðum þessara húsa þá fengum við óháða alþjóðlega þýska vottunarstofu, TÜV SÜD, til að taka út framleiðslu vélaskemmunar þegar það var í framleiðslu í Kína og sú úttekt staðfesti að húsin eru í hæsta gæðaflokki. Enda sjáum við það í uppsetningarvinnunni núna að það stenst allt upp á punkt og prik,“ segir Kristján en sjálfur er hann menntaður húsasmiður og byggingafræðingur en starfaði áður um nokkurra ára skeið hjá Slippnum Akureyri.
Lausn sem er vel samkeppnisfær
„Við fáum mikið af fyrirspurnum um þessar lausnir okkar víða að úr atvinnulífinu, bæði frá viðskiptavinum til sjávar og sveita,“ segir Kristján en þyngri fjármögnun vegna hárra vaxta segir hann helst birtast í því að undirbúningsferli framkvæmda taki lengri tíma en áður. Markaðurinn sé hins vegar augljóslega fyrir hendi.
„Fyrirspurnir hafa komið til okkar að undanförnu um smærri sem stærri hús, allt upp í um 3.500 fermetra að stærð. Við getum boðið allar stærðir stálgrindarhúsa og í reynd eru engin mörk á því. Ég hef sjálfur skoðað verksmiðjuna í Kína og veit að þar er núna verið að framleiða hús sem er 20.000 fermetrar að stærð svo að fyrirtækið hefur vítt framleiðslusvið,“ segir Kristján. Aðspurður segir hann þróun í verði á stáli og flutningum í rétta átt að undanförnu og að það styrkir samkeppnisstöðu fyrirtækisins enn frekar.
„Þetta eru hús sem eru mjög vel samkeppnisfær á íslenskum markaði og góður valkostur fyrir fjölbreytta starfsemi,“ segir Kristján.
Stefnt á verklok í Hlíðarfjalli í nóvember
Á næstu dögum verður lokið við uppsetningu stálvirkisins í áhaldahúsinu í Hlíðarfjalli og þá tekur við klæðning yleininga og frágangur. Kristján segist vonast til að veðurguðirnir verði framkvæmdinni hliðhollir í haust og að hægt verði að ljúka við húsið í nóvembermánuði. Upphaflega var ætlunin að reisa húsið haustið 2023 en tafir á öðrum verkþáttum urðu til þess að samkomulag var við verkkaupa um að seinka framkvæmdinni um eitt ár.
„Hönnunarferli hússins seinkaði í fyrra og steypa á sökklum og millilofti hófst ekki fyrr en í byrjun júní í sumar en stálgrindin kom til landsins í júní og yleiningarnar í ágúst. Við hófum síðan vinnu við uppsetninguhússins strax og allar undirstöður voru tilbúnar,“ segir Kristján en auk starfsmanna Súlna Stálgrindarhúsa ehf. koma starfsmenn frá Slippnum Akureyri að uppsetningarvinnunni. Kristján segir fyrirtækin þannig geta lagt saman krafta sína í verkefnum þegar á þarf að halda.
„Okkar séráhersla er á stálgrindarhúsin en samt sem áður tökum við fjölbreytt önnur verkefni að okkur á byggingarsviðinu. Dæmi þar um er umsjón með breytingum á húsnæði fyrir frumkvöðlasetrið Drift EA í Landsbankahúsinu við Ráðhústorg sem smiðir á okkar vegum eru að ljúka um þessar mundir. Við erum því nýtt félag á byggingamarkaði og getum boðið okkar þjónustu og hús til viðskiptavina hvar sem er á landinu,“ segir Kristján H. Kristjánsson.
Bergur VE hefur fengið nafnið Bergey VE á ný. Ljósm. Halldór Rafn Ágústsson
We welcome Daði Tryggvason to our team as the new Project Manager and Head of DNG Jigging Reels. Daði brings extensive and practical experience from both the fishing industry and public administration, which will serve him well in this new role. He holds a BSc degree in Fisheries Science from the University of Akureyri and has worked for over two decades on a wide range of projects within the sector. This includes many years at sea, both on trawlers and jigging boats equipped with DNG jigging reels. First-hand user experience with the company’s equipment is invaluable — particularly when it comes to product development and customer service. In addition to his time at sea, Daði has worked in aquaculture and most recently as a fisheries specialist at the Directorate of Fisheries, where he was responsible for quota allocations, licensing (including ICCAT and CITES), and customer relations. We look forward to the collaboration and are confident that Daði’s experience and insight will support the continued development of DNG Jigging Reels. https://www.slippurinndng.is/faeravindur
Við bjóðum Daða Tryggvason velkominn til liðs við okkur sem nýjan verkefnastjóra og yfirmann DNG Færavinda. Daði kemur með víðtæka og hagnýta reynslu úr sjávarútvegi og opinberri stjórnsýslu, sem mun nýtast vel í hans nýja hlutverki. Hann er með BSc gráðu í sjávarútvegsfræði frá Háskólanum á Akureyri og hefur starfað í yfir tvo áratugi við fjölbreytt verkefni innan greinarinnar. Þar á meðal má nefna áralanga sjómennsku bæði á togurum og handfærabátum, sem voru búnir færavindum frá DNG. Sú þekking sem fylgir beinni notendareynslu af búnaði fyrirtækisins er dýrmæt, sérstaklega þegar kemur að vöruþróun og þjónustu við viðskiptavini. Auk þess hefur Daði starfað í fiskeldi og síðast sem sérfræðingur í fiskveiðum hjá Fiskistofu, þar sem hann sinnti meðal annars úthlutun kvóta, leyfisveitingum (þar á meðal ICCAT og CITES) og viðskiptatengslum. Við hlökkum til samstarfsins og trúum því að reynsla og innsýn Daða styrki áframhaldandi þróun DNG Færavinda. https://www.slippurinndng.is/faeravindur
Til hamingju með sjómannadaginn – við sendum sjómönnum og fjölskyldum þeirra hlýjar kveðjur og þökkum fyrir mikilvægt starf á sjó.
The new R1 reel from DNG is a game-changer and by far the best I’ve used. “I previously used the 6000i reel and hesitated for a long time about whether it was worth upgrading, as I was very satisfied with the 6000i. But I decided to take the leap for this season, upgraded to the R1 generation—and I definitely don’t regret it,” says Björn Snorrason, a coastal fisherman aboard Dalborg EA 317 in Dalvík. He has been active in coastal fishing nearly since the system was introduced and, over the years, has used both older DNG models and reels from other manufacturers. The R1 is quieter—and catches better Based on his experience using four R1 reels on Dalborg during the first few weeks of this spring’s coastal fishing season, Björn believes upgrading to the R1 was a solid investment. “I immediately noticed how quiet the R1 is, which really matters when you have four reels running on the boat. But the biggest advantage is that the R1 simply catches better than the previous generation—even though those reels were also good. That’s why I say this is a smart investment that pays off quickly. The R1 pulls more smoothly and holds the fish better on the hooks. I particularly notice that even when fishing is slow and the fish aren’t biting much, there are always at least some fish coming up. It’s rare that the line comes up empty—and that really adds up in terms of daily catch weight.” “In my opinion, the design and software development behind these reels have been very successful. And for someone like me—who doesn’t consider himself an especially skilled fisherman—having reliable equipment that delivers results is crucial. I often find myself thanking the DNG reels when I manage to hit my quota during the coastal fishing season,” says Björn.
„Nýja R1 vindan frá DNG er bylting og tvímælalaust sú besta sem ég hef prófað. Síðast var ég með 6000i vinduna og var lengi vel tvístígandi hvort það væri ástæða til að uppfæra í nýju vindurnar því ég var mjög ánægður með 6000i. En svo lét ég slag standa fyrir tímabilið í ár, uppfærði í R1 kynslóðina og sé sannarlega ekki eftir því,“ segir Björn Snorrason, strandveiðimaður á Dalborgu EA 317 á Dalvík. Hann hefur stundað strandveiðar nánast frá því kerfinu var komið á og á þessum árum hafi hann bæði kynnst eldri gerðum af DNG vindunum og líka vindum frá öðrum framleiðendum. DNG vindurnar besti kosturinn „Mín niðurstaða varð fljótt sú að vera með vindurnar frá DNG einfaldlega vegna þess að þær koma best út," segir Björn en R1 eru fjórða kynslóðin af DNG vindum sem hann notar á strandveiðunum. Fyrir utan gæðin á vindunum sjálfum segir Björn það skipta sig miklu máli að hafa þjónustu DNG í næsta nágrenni. „Nálægðin við þjónustuna er mikilvæg ef eitthvað kemur upp sem þarf að laga eða að fá leiðbeiningar í gegnum síma. Mín reynsla á þessum árum er að þjónustustigið hjá DNG er hátt," segir Björn. R1 vindan hljóðlát og fiskar betur Að fenginni reynslu af notkun R1 vindanna fjögurra á Dalborgu fyrstu vikur strandveiðitímabilsins í vor er það mat Björns að uppfærsla í R1 vindurnar sé góð fjárfesting. „Ég tók strax eftir því að R1 vindan er nánast hljóðlaus og það skiptir máli þegar eru fjórar vindur í gangi á bátnum. Stærsti kosturinn er samt að R1 vindan fiskar enn einfaldlega betur en síðasta kynslóð, sem þó eru fínar vindur. Því segi ég að þetta sé góð fjárfesting og fljót að borga sig. R1 vindan er mýkri í drætti og heldur fiskinum vel á krókunum en ég tek sérstaklega eftir því að þegar lóðar lítið og er tregara fiskirí þá koma alltaf einhverjir fiskar upp. Það kemur varla fyrir að slóðinn komi upp án þess að sé fiskur á krók. Sem skiptir umtalsverðu máli því það safnast með þessu móti drjúgt í kílóin yfir daginn. Mitt mat er þess vegna að hönnun á þessum vindum og þróun á hugbúnaðinum í þeim hafi tekist mjög vel. Og fyrir mig sem tel mig ekki mikinn fiskimann þá er lykilatriði að vera með góðan búnað sem skilar mér árangri. Ég þakka því DNG vindunum gjarnan þegar mér tekst að ná skammtinum í strandveiðinni," segir Björn.
